Најмалку 27 лица загинаа, а 63 се повредени во голем пожар што избувна во бар во Бангкок. Дваесет и две лица се во критична состојба.

Огнот избувнал во близина на бината во објект во популарната област Чатучак и за кратко време се проширил низ барот, кој бил исполнет со густ чад.

Пожарникарските екипи пристигнале на местото на настанот набргу по полноќ и успеале да го стават пожарот под контрола за околу половина час.

Најголем дел од жртвите биле пронајдени во тоалетите. Според очевидци, дел од посетителите се повлекле кон задниот дел од објектот обидувајќи се да најдат засолниште од огнот и чадот.

Гувернерот на Бангкок, Чадчарт Ситипунт, изјави дека двата противпожарни излези во барот биле попречени. Пред едниот имало гајби со пиво, додека пристапот до другиот бил отежнат од маса.

Првичните сознанија на истрагата укажуваат дека пожарот можеби започнал поради електричен дефект на клима уред, но причината сè уште не е официјално утврдена.

Музичар кој настапувал во барот изјавил дека во објектот се слушнале експлозии, по што настанала паника и посетителите масовно се обиделе да избегаат.

Истрагата за околностите под кои избувнал пожарот и за безбедносните услови во објектот продолжува

Фото: AP