Над 90 лица загинале во силниот земјотрес кој го погоди Мексико деновиве. 

„Бројот на загинати ја надмина бројката од 90, од кои 71 во државата Оахака, 15 во државата Чијапас и четири во државата Табаско“- се наведува во соопштението на мексиканската цивилна заштита.

Епицентарот на земјотресот со јачина од 8.2 степени бил близу до границата меѓу Мексико и Гватемала, на длабочина од 35 километри.

Поради земјотресот,  беше прогласена и тревога за цунами, но таа подоцна беше укината.

Најсилниот земјотрес кој го погодил Мексико во последните 100 години е почувствуван и во главниот град, каде жителите ги напуштиле своите домови поради страв од уривање на зградите.