Али Хосеини Хамнеи е роден на 19 април 1939 година во светиот град Машхад, во североисточниот дел на Иран. Потекнува од религиозно семејство – неговиот татко бил исламски свештеник, што силно влијаело врз неговото образование и идниот животен пат. Уште од младоста се насочил кон верските студии, изучувајќи исламска теологија, право и филозофија во Машхад, а подоцна и во верскиот центар Ком.

Во 1960-тите и 1970-тите години, Хамнеи активно се приклучува кон движењето против шахот Мохамед Реза Пахлави. Тој бил ученик и следбеник на верскиот водач Рухолах Хомеини, кој станал симбол на отпорот против монархијата.

Полицијата го уапсела повеќе пати поради неговата активност. Овие настани го зацврстиле неговиот углед меѓу револуционерите и верските кругови.

По победата на Исламската револуција во 1979 година, Хамнеи станува една од важните фигури во новоформираната Исламска Република. Тој извршувал различни функции, вклучително и член на Советот на револуцијата и претставник во одбранбените структури.

Во 1981 година, по атентат во кој бил тешко ранет, Хамнеи станува претседател на Иран – функција што ја извршува два мандата (1981–1989). За време на неговото претседателствување, Иран се наоѓал во војна со Ирак, конфликт познат како Иранско-ирачка војна (1980–1988), што силно ја одбележал државата.

Израел и САД вчера го нападнаа Иран, при што го убиле Хамнеи, но и неговото семејство. Иран прогласи 40 дена жалост.

foto printskrin youtube