Според британските научници, постојат три различни типови на продолжен, односно долг ковид, и секој од нив има свој сет на симптоми.

Научниците ги истражувале карактеристиките на 1.459 пациенти со долг ковид, што авторите на студијата го дефинираат како чувство на симптоми најмалку 84 дена по инфекцијата.

Откриле, тврдат тие, дека луѓето со долг Ковид може да се класифицираат во три основни групи.

Невролошки симптоми

Оние со невролошки симптоми како што се замор, зашеметеност и главоболки. Овие симптоми најчесто се наоѓаат кај луѓе кои биле заразени со алфа и делта варијанти.

Респираторни симптоми

Во втората група преовладуваат респираторните симптоми, вклучувајќи болка во градите и отежнато дишење. Ова најмногу го доживеале луѓе кои биле заразени со оригиналната варијанта на вирусот Вухан.

Различни симптоми

Во третата група, симптомите се поразновидни и вклучуваат срцеви палпитации, болки во мускулите и промени на кожата, велат научниците од Кралскиот колеџ во Лондон.

„Податоците добиени од истражувањето јасно покажуваат дека долгиот ковид не е единствен, туку има неколку подтипови“, рече водечкиот автор д-р Клер Стивенс.

„Разбирањето на предизвикувачките агенси и подтиповите може да помогне да се персонализира дијагнозата и третманот“, додаде таа.