Египет ќе се обрати за помош кон странските експерти за да го дескриптираат записот од последните 7 минути на еден од патните рекордери на рускиот авион Ербас А321, кој се урна на Синајскиот Полуостров.

Претходно беше објавено дека е регистриран чуден шум. Досега тој не е идентификуван. За да се случи тоа, Египет ќе и предаде копија со податоците од црните кутии на странските експерти. Ова го соопшти министерот за цивилната авијација Хосам Камал.

Звукот ќе биде анализиран со помош на специјална техника која Египет, а и повеќето земји во светот не ја поседуваат, вели Камал во интервју за локалниот весник „Ал-Ахрам“.

Копијата ќе биде испратена токму во земјата која произведува авиони и ја има потребната опрема за анализа на звукот.