Повеќе од илјада Португалци се собраа во Лисабон пред парламентот протестирајќи поради намалувањето на средствата за јавниот сектор во буџетот наредната година. „Дојде време владата да си оди“ - извикуваа демонстрантите, критикувајќи ја владеачката коалиција, организирани од страна на португалскиот синдикат ЦГТП, близок до комунистичката партија. Оваа група смета дека буџетот за 2014 година „ги загрозува вработувањата, краде од платите и пензиите, дава помалку за здравството, социјалната заштита и образованието“. Пратениците од владеачката коалиција, по денешната расправа во парламентот, вечерва би требало да го усвои предлог буџетот. За конечниот предлог парламентот би требал да гласа на 26 ноември.