Поранешниот израелски премиер Ехуд Олмерт беше осуден на 8 месеци затвор под обвинение дека прифатил во спротивно со законот пари од свој приврзаник во САД, соопштија американските медиуми.

Тој беше осуден минатата година на 6 години затвор за друго дело за добивање на поткуп, кoe стави крај на неговата политичка кариера.

Адвокатите велат дека ќе поднесат жалба на пресудата.

Олмерт, кој се надеваше да постигне историски мировен договор со Палестинците, беше принуден да поднесе оставка во почетокот на 2009 година, по обвиненијата за корупција.

Повлекувањето му отвори пат за изборот на конзервативецот Бенјамин Нетанјаху на премиерската функција и за подоцнежен неуспех на мировните преговори.