Земјата која не е во состојба самостојно да го полни буџетот и во која 75 отсто од парите се грантови или заеми е банкротирана, изјави поранешниот премиер на Украина, Микола Азаров.

- Кризата во Украина почна одамна, а банкрот на Украина е веќе евидентиран. Тоа се манифестира преку фактот дека земјата не е во состојба самостојно да го полни буџетот. Три четвртини од буџетот на Украина се позајмени или грантови, изјави Азаров за „Вести ФМ“.

Како пример, Азаров изјави дека платите во октомври зависат од тоа дали Европската унија навремено ќе ја испрати ветената помош во износ од милијарда и пол евра.

-Кога ја добија таа помош, украинските власти само среќно трчаа наоколу и плескаа со рацете. Тоа е вистински банкрот, заклучи Азаров.

Во 2022 година меѓународната буџетска помош за Украина изнесуваше 32,3 милијарди долари, од кои САД - 11,99 милијарди долари, ЕУ - 7,96 милијарди долари, ММФ - 2,69 милијарди долари, Канада - 1,89 милијарди долари.

Во ноември, Народната банка на Украина ги намали своите очекувања за консолидираниот буџетски дефицит на земјата на крајот на 2023 година: сега очекува тој да биде на ниво од 20,4 отсто од БДП наместо 19,8 отсто.

Украинскиот премиер Денис Шмигал претходно изјави дека Киев очекува да добие финансиска помош во износ од над 30 милијарди долари од ЕУ, САД и ММФ, како и од сојузничките земји, за покривање на државниот буџетски дефицит на земјата.