Државата забрани влез за странци  кои не доаѓаат поради неопходни причини, со цел забавување на пандемијата. Министерството за надворешни работи на Чешка соопшти дека забраната стапува на сила денеска и дека ќе се однесува на сите држави. Забраната не важи за оние кои работат или студираат во Чешка. Влезот во Чешка е дозволен за оние кои доаѓаат во посета на роднини или доаѓаат заради здравствена нега или, пак, присуство на свадби или погреби, јавува АП.

Откако Чешка на 6 јануари регистрираше рекорден број од 18.000 заразени, бројот на дневни инфекции почна да опаѓа.  Но, бројот на новозаразени оваа недела повторно расте. Oд коронавирусот во земјата починаа над 16.000 луѓе.