Најмалку 112 лица го загубија животот во поплавите во Непал, додека 67 лица се водат како исчезнати, јавија денеска локалните медиуми.

Одроните и поплавите предизвикани од дводневниот силен дожд во оваа хималајска земја ги принудија локалните власти да ги затворат училиштата три дена.

„Поплавите го парализираа сообраќајот и секојдневните активности во долината Катманду, а три автопати, вклучително и клучната сообраќајница Притви што го поврзува Катманду со остатокот од земјата, се блокирани поради лизгање на земјиштето. Автобускиот сообраќај на патиштата е забранет во текот на ноќта, а на возачите им се советува да не излегуваат на патот. Дождот се очекува да продолжи“, изјави портпаролот на Министерството за внатрешни работи на Непал, Риширам Тивари.

Devastating floods hit Kathmandu Valley and other parts of Nepal.

A number of deaths have been confirmed while thousands of rescues have been carried out across the capital.https://t.co/OJwUg7wx8K pic.twitter.com/lUoJoFQcNf

— Sky News (@SkyNews) September 28, 2024

Делови од Катманду беа целосно поплавени, како и многу куќи, поради што жителите беа принудени да се засолнат на последните катови од нивните станбени згради, а непалските безбедносни сили се ставени во состојба на готовност. 

Update: 112 deaths across Nepal while 65 people still missing. 49 killed in Kathmandu Valley alone.

Four major hydropower projects have been shut down due to damage reducing generation capacity by 1,700MW. Rotating power cuts in effect.

Full story: https://t.co/6sF2cn6Pxc pic.twitter.com/CydyZNkX0T

— Nepali Times (@NepaliTimes) September 29, 2024