Тигри се кријат во куќите на луѓето бегајќи од монсуните.

Еден возрасен тигар денеска е пронајден како спие во куќа која се наоѓала во близина на животински резерват.

Реката Џамуна во Бангладеш, синоќа се излеа од коритото и поплави најмалку 40 села во северниот дел на земјата, поради што се раселени повеќе од 200.000 луѓе, а во соседна Индија поради монсунските дождови домовите ги напуштиле околу шест милиони луѓе.

Во две индиски држави Бихар и Асам во поплавите загинале 97 лица.

Се наведува дека во овие индиски држави обилните дождови и поплавите траат од минатата недела, поради што дури и дивите животни бараат засолниште во домовите на луѓето.

Властите се плашат дека ловокрадците би можеле да се обидат да ја искористат ситуацијата и за време на поплавите да почнат да ловат заштитени животни како што е еднорогиот носорог, вид од кој има само уште 3.500 примероци во целиот свет.

Фото: EPA-EFE/STR