ПОПЛАВИ И ВО РОМАНИЈА: Еден човек загина
Уште една земја се бори со поплави. Еден човек загина во поплавите кои ја зафатија Романија.
Обилните дождови во последните 24 часа предизвикаа поплави во 12 области и однесоа една жртва на северо-истокот на земјата. Телото на удавен човек е извадено од реката кај селото Хандрешти, во областа Иаси. Поплавите ги зафатија областите Алба, Брашов, Караш-Северин, Дамбовица, Доj, Хунедоара, Јаси, Марамурес, Мурес, Неамт, Прахова и Темис, пренесува Танјуг. Електричната мрежа е оштетена во 22 области. Патиштата низ целата земја се оштетени од поплавите и паднатите дрвја.
Поплави имаше во Германија, Белгија, Украина. Освен огромни штети, имаше и многу жртви.
Слично
Поврзани вести
