Како резултат на високата покриеност за вакцинација, австралиската држава Нов Јужен Велс и главниот град Сиднеј од утре постепено ги ублажуваат ограничувањата поради ковидот.

Нов Јужен Велс, најнаселената австралиска држава, денеска објави 477 нови случаи на коронавирус и шест смртни случаи, во епидемија во која пет милиони луѓе во главниот град на Сиднеј беа затворени сто дена.

Но, бидејќи државата го достигна прагот од 70 проценти од целосно вакцинирана популација, Нов Јужен Велс е подготвен да олесни некои ограничувања и повторно да отвори многу бизниси.

„Ова е одличен момент за нашата земја и за сите во Нов Јужен Велс - вие го заслужувате тоа“, рече премиерот Доминик Перот.

„Поминаа сто дена крв и пот, без пиво, но утре се враќаме во акција“, додаде тој.

На прашањето што ќе направи прво во понеделник, Перот одговори: „Ќе се потстрижам“.

Локалните медиуми објавија дека резервациите за фризерските салони и салоните за убавина биле пополнети со недели, а работното време им било продолжено за да примат што е можно повеќе луѓе.

Сепак, многу ограничувања за јавни собири ќе останат на сила и во следните недели, рече Перот.