Полска ќе стане членка на еврозоната, само доколку блокот на евровалутата се реформира до 2023 година, порача полскиот министер за финансии, Јацек Ростовски. - Тој период од десет години е реален. Сепак, мораме да бидеме сигурни дека еврозоната во доволна мерка ќе направи реформи со цел да се приклучиме кон неа безбедно. Ние ги охрабруваме и нудиме совети, но напредокот е недоволен - изјави Ростовски. Еврозоната се движи кон поблиска економска и финансиска интеграција со цел да се надмине должничката криза и да се спречат нови турбуленции. Под условите на пристапување кон ЕУ во 2004 година, Полска има обврски да се приклучи кон сегашната 17-члена Унија, без да прецизира временска рамка.