Безбедносните сили на Хаити убија четворица членови на група „платеници“ кои го убија претседателот Јовенел Моус во неговиот дом, изјави шефот на полицијата Леон Чарлс.

„Полицијата сè уште е во борба со напаѓачите“, рече Чарлс во телевизискиот брифинг доцна вчера, пренесува Гардијан.

„Ние ги блокиравме на пат додека го напуштаа местото на злосторството. Оттогаш, ние се бориме со нив “. Двајца од напаѓачите биле приведени. За останатите, тој рече: „ќе бидат убиени или заробени“.

Секретарот за комуникации на Хаити, Франц Ексантус, претходно изјави дека полицијата ги уапсила „претпоставените убијци“ без да даде други детали. Тројца полицајци кои беа заложници од осомничените вооружени лица беа ослободени, рече Чарлс.

Убиството на Моус и ранувањето на неговата сопруга се очекуваше да донесат поголем хаос во нестабилната карипска земја, веќе опфатена со насилства во банди, зголемена инфлација и протести од приврзаници на опозицијата, кои го обвинија Моус за зголемен авторитаризам.

Привремениот премиер Клод Џозеф изјави дека полицијата и војската ја контролираат безбедноста. Најсиромашната земја на Америка, Хаити има историја на диктатура и политички пресврти.

Говорејќи на една локална радиостаница, Клод Џозеф потврди дека Моус (53) бил убиен, велејќи дека нападот бил извршен од „вооружена командоска група“ во која имало странци.

Во подоцнежното интервју за Асошиејтед Прес, Џозеф повика на меѓународна истрага за атентатот, рече дека треба да се одржат избори закажани за крајот на оваа година и вети дека ќе соработува со сојузниците и противниците на Моус.

„Ни треба секој еден за да ја придвижиме земјата напред“, рече Џозеф. Тој алудираше на непријателите на претседателот, опишувајќи го како „човек со храброст“, кој се спротивстави на „некои олигарси во земјата, и веруваме дека тие работи не се без последици“.

Извор и фото: Гардијан