Голем инцидент се случи на меѓународниот аеродром „Бишоп“ во Флинт, Мичиген, каде еден полицаец од аеродромското обезбедување бил прободен во вратот со нож. 

Аеродромот е затворен на неопределено време и патниците биле итно евакуирани како мерка на претпазливост, а засега не се познати детали за инцидентот.

Во соопштението на аеродромот се наведува дека сите патници се безбедни и дека треба да проверат со компаниите дали нивните летови се откажани или одложени.

„Полицаецот лежеше, а вратот му крвавеше“, рекол еден од очевидците.

Тој додал дека видел дека полицијата привела еден маж, како и дека покрај повредениот полицаец имало нож.

Според пишувањата на американските медиуми, полицаецот е во критична состојба.