Ковчегот на кралицата Елизабета Втора пристигна во Единбург, а илјадници жители на шкотската престолнина се наредени на рутата за да и оддадат почит.

Погребната поворка полека ги помина 280-те километри од Балморал до Единбург за да можат граѓаните да и оддадат последна почит на кралицата.

Поворката помина низ Абердин, Данди и Перт на своето шестчасовно патување, објави Гардијан.

Строгиот центар на Единбург е затворен за сообраќај, а денеска нема да има улични музичари или туристички тури.

Thousands line the streets of Edinburgh as Queen Elizabeth II's funeral cortege reaches city https://t.co/8fzxT8g3pX pic.twitter.com/Y0sRGgLi1M

— BBC News (@BBCNews) September 11, 2022

Кралицата пред замокот ја пречека почесна стража која ќе го изведе познатиот кралски поздрав, пишува CNN.

Телото ќе остане тука до утре наутро, по што ќе биде преместено во катедралата во Единбург каде луѓето ќе можат да му оддадат почит.

Ќерката на кралицата, принцезата Ана и нејзиниот сопруг Тим Лоренс го следеа ковчегот на пат од замокот Балимор до Единбург, објави Гардијан.

Кралицата Елизабета Втора почина во четвртокот на 97-годишна возраст во замокот Балморал во Шкотска. Според најавите, таа ќе биде погребана во понеделник на 19 септември во главниот град на Велика Британија.