Американецот Роберт Френсис Превост е новиот избран Папа.

Тој го избрал името Папа Лав XIV. Поголемиот дел од својот свештенички живот го поминал надвор од САД, претежно во Перу, каде што бил пастор, професор, просветен работник и епископ. Ова го прави еден од ретките американски кардинали со длабоко искуство во Латинска Америка.

„Гардијан“ анализира дека Превост е „ѕвезда во подем“ и го цитира католичкиот весник „Крукс“ кој вели дека Превост е „познат по својата силна проценка и остри вештини за слушање“. 

Тој се соочи со критики за неговото справување со случаи на сексуална злоупотреба додека служеше во Перу и претходно во САД. Иако неговите застапници истакнуваат дека тој дејствувал според црковните правила, некои критичари веруваат дека не реагирал доволно транспарентно и решително. Папата Франциск почина на 88 години и сега е избран негов наследник. Вчера имаше гласање, но изборот се случи денеска.