Идејата на францускиот претседател Емануел Макрон да испрати војска во Украина, многу европски лидери ја отфрлија, но естонската премиерка Каја Калас не мисли така. 

Калас рече дека сите опции се на маса за да ѝ се помогне на Украина да го победи рускиот претседател Владимир Путин. Таа го изјави ова неколку дена откако францускиот претседател предизвика бура навестувајќи дека постои можност да се испратат копнени сили да му помогнат на Киев.

Калас изјави денеска дека лидерите мораaт да разговараат за сите опции зад затворени врати вклучувајќи ги и сите опции кои сè уште се на маса за да ѝ помогнат на Украина во својата егзистенцијална борба.

„Мислам дека тоа се исто така сигнали што ги испраќаме во Русија, дека не исклучуваме различни работи“, изјави Калас за „Политико“. 

Таа жестоко ја критикуваше Русија. 

„Затоа што сите земји сфатија дека мораме да направиме сè за Украина да победи, а Русија да ја изгуби оваа војна“, додаде таа.