Најавата за смртта на принцот Филип, сопругот на кралицата Елизабета, на 99 годишна возраст беше објавена во изјава на Бакингемската палата .

 „Со длабока тага нејзиното височество Кралицата ја објави смртта на нејзиниот сакан сопруг Неговото кралско височество принцот Филип, војводата од Единбург“, соопшти палатата.

Неговото кралско височество почина мирно утрово во замокот Виндзор. Кралското семејство се придружува со луѓето ширум светот во жалост за неговата загуба. Дополнителни соопштенија ќе бидат дадени во догледно време, додаваат од кралското семејство.

Смртта на војводата сега ќе предизвика период на национална жалост, и, се разбира, за неговата вдовица Кралицата (94), четирите деца Чарлс, Ана, Ендрју, Едвард и внуци и правнуци.

Неговата смрт следуваше само два месеци откако беше пренесен во болницата Кинг Едвард VII во Лондон на 16 февруари откако „не се чувствуваше добро“.

Тој помина цел месец во болница како негов најдолг престој и ја напушти на 16 март.

Филип и кралицата беа изолирани во замокот Виндзор за време на пандемијата Ковид-19.

Бракот со кралицата Елизабета траеше повеќе од 70 години.