Во Италија почина човек кој осум месеци имал коронавирус.

Весниците пишуваат за случај со пациент од болницата „Сан Мартино“ во италијанскиот град Џенова, кој цели осум месеци бил позитивен на коронавирус и неодамна починал.

Како што тврди примариус доктор Матео Басети од болницата во Џенова, се работи за досега единствен таков случај во светот. Пациентот имал и други болести, а неговиот имунолошки систем бил ослабен. Вака долг период на зараза со коронавирус, од цели 250 дена, засега не е забележан во светот.

„Овој случај ни покажува уште колку многу не знаеме за Ковид-19“ рекол доктор Басети за агнецијата Анса. 

Во последните 24 часа во Италија од коронавирус починале 659 луѓе, а се регистрирани нови 11.200 случаи. Италија  е една од најпогодените европски земји.