Северна Кореја повторно се отвора за туристи. 

Таа на крајот на годинава повторно ќе биде отворена за туристи, скоро пет години откако целосно ги затворила границата поради пандемијата на коронавирусот. Информацијата ја објавиле две туристички компании кои работат со земјата.

Корио Турс, со седиште во Пекинг, и КТГ Турс, со седиште во Шенјанг, денеска во одвоени соопштенија навеле дека на туристички групи ќе им биде дозволено да го посетат планинскиот град Самџијон, родното место на поранешниот севернокорејски лидер Ким Џонг Ун, пренесува „CNN“.

„Добивме потврда од нашиот локален партнер дека туризмот во Самџијон, а веројатно и во остатокот од земјата, официјално ќе биде продолжен во декември оваа година“, навеле од Корио Турс, додавајќи дека програмата и останатите детали ќе бидат познати во наредните денови и недели.

Самџијон е кај кинеската граница и е блиску до највисокиот врв на Корејскиот полуостров, планината Паекту, активен вулкан од најголема важност и историско значење за Северна Кореја, затоа што се смета за колевка на корејскиот народ.

На почетокот на годината беше објавено дека сто руски туристи ја посетиле Северна Кореја, а нивните забелешки беа интересни.