По скандалот со прислушувањето, германските политичари ќе треба да ги сменат своите телефони iPhone со нови криптирани телефони, објави германското издание The Local . Промената е итна и ќе ги обврзе високите политичари во Германија да ги прават своите разговори само со заштитени мобилни телефони . Таа сепак ќе стапи во сила по формирање на владата меѓу социјалдемократите и христиандемократите . Преговорите меѓу двете партии сеуште продолжуваат . Заштитата ќе се обезбедува со посебен софтвер , но бидејќи тој не е компатибилен со уредите на Apple, тоа ќе значи дека и Ајфоните ќе исчезнат од елитата на германската политика . Кон средината на октомври, сериозен скандал ги потресе односите меѓу САД и Германија . Тогаш стана јасно дека Американската Национална агенција за безбедност ја прислушувала германската канцеларка Ангела Меркел. Германските медиуми дури сугерираат дека Меркел била прислушувана уште од 2002 година , три години пред да дојде на чело на најмоќната европска економија . Тогаш таа беше лидер на најголемата партија во опозиција . Во оваа фаза американските партнери велат дека прислушувањето е запрено, а за тоа наредба издал самиот Барак Обама , кој исто така истакнал дека е изненаден од активностите на службите во неговата земја . По скандалот значително падна довербата на Германците кон САД и претседателот Барак Обама .