Иако на парламентарните избори во Белорусија две пратенички од опозицијата по две децении добија мандати во новиот состав на Парламентот, ОБСЕ и понатаму дава негативна оценка. „Изборите во Белорусија во ниту еден случај не беа слободни и фер“ соопшти началникот на краткорочната набљудувачка мисија на ОБСЕ во Белорусија, Кент Харстед. Ана Конопацкаја од Обединетата граѓанска партија победи во округот на Минск. Оваа либерално-конзервативна партија се противи на владеењето на претседателот Александар Лукашенко, кој управува со земјата повеќе од две децении. Втората избрана пратеничка од опозицијата е Алена Анисим од Друштвото за белоруски јазик. Со неслободните избори Белорусија не може да се пофали дека направила демократски исчекор и понатаму е под силна контрола на претседателот Лукашенко кој ја управува земјата како во Советскиот период со едноумие и без простор за останатите политички субјекти.