По децении на жесток раст, кинеската економија повторно забави. Како што покажуваат официјалните податоци, втората светска економија, во вториот квартал од годината порасна за 7,5 отсто, што отчитува забавување на активностите, второ тромесечје по ред. Во првите три месеци од годината, кинеската економија порасна 7,7 отсто, а во последниот квартал од минатата година растот изнесуваше 7,9 отсто. Во шестмесечниот период заклучно со крајот на јуни активностите пораснаа 7,6 отсто, објави државниот завод за статистика, додавајќи дека резултатот во набљудуваниот период „општо е стабилен“ и е во рамки на очекувањата. „Но и натаму се соочуваме со тешки и сложени економски ситуации“, се наведува во соопштението.