Севернокорејските власти наредија петдневен карантин за жителите на Пјонгјанг поради непознато респираторно заболување, но не посочија дали се работи за Ковид-19.

Заклучно со недела, граѓаните мора да останат дома и да ја мерат температурата неколку пати на ден.

Во вторникот жителите на главниот град купија залихи за наредните денови во пресрет на новите мерки, но не е јасно дали мерките се усвоени и за другите делови од земјата, објави севернокорејската новинска агенција NK News.

Првата појава на Ковид-19 во земјава беше потврдена дури во мај минатата година, а победата над вирусот беше прогласена веќе во август.

#BREAKING: #Pyongyang, #NorthKorea residents have been ordered to have a five day mandatory lockdown. This comes after rising levels of "respiratory illnesses" within the city.

Resides in #Pyongyang must stay inside their homes until Sunday, and have multiple temp checks a day. pic.twitter.com/Feijs252BH

— RealtimeGlobal News (@RealtimeGlobal) January 25, 2023

Надлежните никогаш не го потврдија бројот на заразени со новиот коронавирус, туку само го пријавија бројот на луѓе кои имале треска. Севкупно, оваа бројка беше 4,77 милиони луѓе до 29 јули минатата година. Оттогаш, властите не објавуваат дневни податоци.

Државната новинска агенција КЦНА во вторникот објави дека властите во Каесонг, град во близина на границата со Јужна Кореја, ја зајакнале кампањата за јавна комуникација за „сите вработени доброволно да можат да ги следат мерките против епидемијата на работа и дома“.

Фото: Принтскрин/Твитер