На паркинг во Хаген, Германија, настанала вистинска драма поради наизглед безопасно палење жижица. Полицијата соопшти дека 42-годишна жена запалила жижица заедно со своето петгодишно синче, но искрите паднале врз суви лисја под автомобил паркиран во близина. Листовите се запалиле, а огнот за само неколку секунди го зафатил целиот автомобил на соседот.

Мајката безуспешно се обидела да го изгасне пожарот, но возилото – Mercedes C220 – изгорело целосно. Штетата се проценува на околу 30.000 евра. Пожарникарите стигнале навреме и спречиле ширење на огнот врз останатите возила во населбата.

Полицијата потврди дека против жената е поднесена пријава за небрежно предизвикување пожар, и потсети дека иако жижиците се легални во текот на целата година, треба да се користат со големо внимание.

Фото: Polizei Hagen