Портпаролот на Кремљ, Дмитриј Песков, изјави дека не се очекува потпишување на никакви документи по самитот меѓу рускиот претседател Владимир Путин и американскиот претседател Доналд Трамп на Алјаска.

Тој изјави дека би било погрешно однапред да се предвидат резултатите од самитот Русија-САД во Алјаска.

„Не, не се очекува, ништо не е подготвено“, изјави Песков пред новинарите, одговарајќи на прашањето дали ќе биде потпишан документ по самитот на лидерите на Русија и САД, пренесува РИА Новости.

Песков рече дека би било погрешно да се брза и однапред да се предвидат резултатите од руско-американскиот самит.

„Засега, се разбира, би било голема грешка да се брза, да се обидеме да се понапредиме и да се обидеме да го предвидиме исходот“, им рече Песков на новинарите.

Песков рече дека за време на самитот ќе бидат разгледани прашања поврзани со решението на украинскиот конфликт.

Помошникот на рускиот претседател, Јуриј Ушаков, најави дека претседателите ќе се фокусираат на разгледување опции за долгорочно мирно решение на конфликтот. Според американскиот секретар за финансии Скот Бесант, санкциите против Русија би можеле да бидат заострени ако средбата во Алјаска е неуспешна.