Британец платил 20.000 евра за пат околу светот, но „заглавил“ на Филипините. 

Станува збор за Кристофер Чепел, 72-годишен пензионер кој останал на Филипините откако бродот за крстарење тргнал без него.

На половина пат, Чепел почувствувал мачнина и вртоглавица, поради што го посетил лекарот на бродот. Тој му рекол дека не смее да се врати на бродот и го испратил на дополнителни испитувања. Пензионерот имал само благ топлотен удар, но бродот го напуштил пристаништето.

Чепел и неговата внука Карен Вилијамс стапиле во контакт со линиите за крстарење и со одговорните за патниците. Оттаму рекле дека човекот има критично здравје и не може да го продолжи патот. 

„Сè изгледа како комична лага. Лицето што ме придружуваше од бродот не ме ни прегледа и сигурно знаеше дека тестовите во болницата ќе траат подолго отколку што бродот ќе биде во пристаништето“, рече Чепел.

Лекарите сметале дека нема можности да лета за Манила и морал да отпатува таму со брод, па да се врати дома со авион со медицинска придружба.