Илјадници верници од католичка вероисповед денеска го слават еден од најголемите христијански празник посветен на Христовото раѓање, Божиќ. Ова е еден од најголемите настани во календарот на Римокатолиците кои прославата ја започнаа со полноќна миса во базиликата Свети Петар во Ватикан. Пред 8 илјади верници во црковните клупи и уште три илјади пред видео бимовите на плоштадот, Папата Франциск испрати порака за мир и скромност меѓу луѓето и за надеж и утеха меѓу Христијаните, кои како никогаш досега се прогонувани во земјите на Блискиот и на Средниот исток и во Африка. Според евангелиското предание, Исус Христос е роден на 25 декември во Витлеем, па затоа овој датум се смета и како почетокот на новата ера и новата историја на човештвото, а се почитува во целиот христијански свет.