Рускиот аеродром „Пулково“ во Санкт Петербург привремено ги суспендираше сите летови, објавија градските власти на нивниот канал „Телеграм“. Суспензијата ќе трае неколку часа.

Ројтерс јавува дека голем број домашни летови со летови за Санкт Петербург денеска се враќале на своите дестинации. Најмалку пет авиони на пат од главниот град Москва до Санкт Петербург беа вратени назад кон Москва откако првично кружеа во воздух.

Засега не се соопштува причината за прекинот на летовите. Рускиот информативен сајт База објави дека на небото е забележан неидентификуван летечки објект и дека се испратени борбени авиони.

All flights passing through the airspace of St. Petersburg turned back, flights to St. Petersburg from the capital circling or returning to Moscow https://t.co/BUkumoAF0L

— Russian Market (@runews) February 28, 2023

Гардијан објави дека аеродромот Пулково во Санкт Петербург привремено ги суспендирал сите летови во вторникот, повикувајќи се на изјава на градската влада на Телеграм. Паузата ќе трае до 9:00 часот по Гринич (пладне по локално време).

Сепак, ТАСС јавува дека воздушниот простор на 200 километри од „Пулково“ е затворен до 10:20 часот по Гринич (13:20 часот по локално време).

Авион без екипаж е забележан недалеку од складиште за нафта во рускиот град Туапсе на брегот на Црното Море, каде избувнал пожар во текот на ноќта, соопшти денеска извор од Министерството за вонредни ситуации.

Инцидентот се случил синоќа во 2 часот и 15 минути. Пожарот е локализиран, а потоа целосно изгаснат. Нема извештаи за жртви, оштетувања на резервоари со нафта или излевање.

– Дронот е забележан во близина, но не погодил ништо – рекол изворот.

Нападите со беспилотни летала врз руските градови зачестија од почетокот на војната во Украина.

„Гардијан“ наведува дека градот Туапсе во руската област Краснодар се наоѓа на брегот на Црното Море, јужно од Крим и северно од Сочи. Според непотврдени шпекулации, рафинеријата била погодена во напад со дрон, пишува весникот.

„Вишеград 24“ на „Твитер“ наведува дека украински беспилотни летала нападнале складиште за нафта во Туапсе и дека нападот бил успешен бидејќи складиштето сега е во пламен. Туапсе е оддалечен повеќе од 450 километри од најблиските позиции во Украина.

BREAKING:

Ukrainian drones have attacked an oil depot in Tuapse, Krasnodar Krai.

The attack was successful as the depot is now on fire.

Tuapse is more than 450 km from the nearest Ukrainian-held position. The Russians must be getting nervous.

pic.twitter.com/qDTgsyeXhj

— Visegrád 24 (@visegrad24) February 28, 2023

Фото: Принтскрин/Твитер