Данската полиција го евакуирала едниот од двата терминали на аеродромот Каструп во Копенхаген веднаш штом била откриена торбата со сомнителна содржина, соопштија денеска аеродромските преставници и полицијата.

„Терминалот три е евакуиран. Пријавена е торба со сомнителна содржина. Полицијата спроведува истрага“, изјавила потпаролката на аеродромот Шисе Хасен.

„Имаме сонителна ситуација на аеродромот Каструп“, потврдила полицијата на Твитер, каде што стои дека еден терминал е евакуиран.

Инцидентот се случил само по два часа откога данската полиција го зголеми степенот за безбедносен ризик во земјата, повикувајки се на зголемени закани од терористички напади слични на тие во петокот во Париз.