Некои пустински области во југозападниот дел на Алжир беа покриени со снежна покривка што го изненади локалното население бидејќи нема можност често да гледаат такви зимски услови.

Регионот Башар е претежно познат по својата жолта песочна почва, но жителите на регионот споделуваат фотографии и видеа на социјалните мрежи на кои се гледа теренот покриен со бел снег.

Локалните медиуми јавуваат дека последниот снег паднал во градот Башар на алжирско-мароканската граница во 2012 година.

Според метеоролошката служба на Алжир, снег се очекува и во други пустински региони, особено во провинцијата Гардаја на југот на земјата.

Од почетокот на зимата северните региони на Алжир се под бурен бран студен воздух, додека многу урбани и рурални патишта се затворени поради снежните врнежи.

Алжир веќе три години се соочува со суша, која предизвика сериозно намалување на водостојот на браните, подземните води и реките, па секој дожд е добредојдено ослободување од аспект на ублажување на овој еколошки предизвик.