Развојот на вештачката интелигенција и чет-ботови е тема за која постојано се зборува, особено кога станува збор за ризици, а првата жртва на вештачката интелигенција би можел да биде Белгиец за кој неговото семејство вели дека се самоубил по долги разговори со чет-бот.

Како што пренесуваат белгиските медиуми, млад Белгиец го завршил животот по шест недели разговор со четбот за климатската криза. Станува збор за човек кој е медицински истражувач, има две деца и навидум сосема нормален живот.

Меѓутоа, според неговата вдовица, нејзиниот сопруг станал крајно еколошки вознемирен и своето засолниште го нашол во Елиза, четботот на платформата Чаи.

Четбот Елиза наводно го охрабрил овој млад човек да стави крај на својот живот откако Белгиецот му предложил да се жртвува за да ја спаси планетата. Неговата вдовица вели дека без овие разговори нејзиниот сопруг се уште би бил жив.

„Она што се случи е без преседан“

Државниот секретар за дигитализација на Белгија, Матје Мишел, вели дека „она што се случи е без преседан и дека целата ситуација треба да се сфати многу сериозно“, пренесува Brussels Times.

Со популаризацијата на ChatGPT, пошироката јавност го откри потенцијалот на вештачката интелигенција во нашите животи, но иако можностите се бескрајни, опасноста што доаѓа со ова е реалност што треба да се разгледа.

Во последните две години, Европската унија работеше на изготвување на Закон за вештачка интелигенција што би спречил вакви настани, а Мишел формираше работна група за анализа на текстот што моментално го подготвува ЕУ со цел да ги донесе потребните промена.

Инаку, Италија неодамна го забрани ChatGPT, со што стана првата западна земја што го направи овој чекор. Сепак, ова не е невообичаено за оваа земја, каде што во февруари беше забранета и реплика на четбот апликација, со која некои корисници развија многу лични односи, поради што неодамна администрацијата со тој четбот ја отстрани опцијата за еротски игри.

Исто така, Илон Маск и бројни лидери во областа на вештачката интелигенција неодамна потпишаа писмо во кое бараат шестмесечна пауза во развојот на вештачката интелигенција.

Сепак, како што пишува Business Insider, ова сега е само сон, бидејќи компаниите се тркаат кој ќе биде подобар во нивниот развој, а „воз кој ја напуштил станицата не може да се врати во неа“.