Италијанската полиција го уапсила денеска избеганиот водач на мафијашкиот клан Ндрангета со седиште во Калабрија, Роко Барбаро, кој се наоѓа на листата најбарани личности во Италија.

Роко Барбаро (52) е уапсен во куќата на една од своите ќерки во Калабрија, пренесоа светските агенции.

Тој бил во бегство од 2015 година кога во Милан против него е издаден налог за апсење поради мафијашка завера и незаконски имот, а неговиот клан важи за водечки во трговијата со кокаин во Ломбардија и Калабрија.

Министерот за внатрешни работи Марко Минити рекол дека неговото апсење е резултат на интензивна истрага. 

Ндрангета, најбогатиот и најмоќен мафијашки клан во Италија, ја контролира европската трговија со кокаин, напоменуваат италијанските медиуми.