Министерството за надворешни работи на Белорусија објави фотографии од просторијата во која ќе се водат руско-украинските преговори.

„Во Белорусија се е подготвено за почеток на преговорите. Го чекаме пристигнувањето на делегациите“, соопшти Министерството во 9 часот по локално време.

Украинскиот претседател Владимир Зеленски претходно изјави дека не очекува напредок во преговорите, но дека е подготвен да се обиде. Тој во неделата вечерта рече дека следните 24 часа се клучни за опстанокот на Украина.

In Belarus, everything is ready to host Russia-Ukraine negotiations. Waiting for delegations to arrive pic.twitter.com/WSnPMyChwg

— Belarus MFA (@BelarusMFA) February 28, 2022

Во текот на викендот, експлозии одекнаа низ Киев, но центарот на градот не беше гранатиран.

Жителите на Киев утрово биле известени дека можат слободно да ги напуштат подземните засолништа во кои престојувале во текот на викендот поради полициски час. Работата на продавниците е дозволена, а јавниот превоз повторно ќе почне да работи, иако метрото ќе сообраќа поретко од вообичаено.