Русија ќе регрутира 150.000 војници. 

Рускиот претседател Владимир Путин потпиша декрет за рутинска пролетна регрутација со која се повикуваат 150.000 граѓани да служат воен рок, наведено е во документ објавен на веб-страницата на Кремљ.

Mажите на возраст меѓу 18 и 30 години во Русија се обврзани да завршат едногодишна воена служба или еквивалентна обука за време на високото образование.

Во јули, Долниот дом на рускиот парламент гласаше за зголемување на максималната возраст на која мажите можат да бидат мобилизирани од 27 на 30 години. Новиот закон стапи на сила на 1 јануари 2024 година.

Путин во септември потпиша наредба да се повикаат 130.000 луѓе за есенското регрутирање. 

Украинскиот претседател Володимир Зеленски предупреди дека Русија спрема офанзива и дека им е потребно оружје.