„Турција годинава ја погодија вкупно 53.262 земјотреси, во просек шест земјотреси на секој час, што е втора година со најмногу регистрирани потреси во земјата, веднаш по 2023 година“, изјави денеска професорот на Универзитетот Гази во Анкара, Булент Озмен.

Кажа дека во 2025 година се забележани 437 земјотреси со јачина поголема од 4 степени според Рихтеровата скала, од кои 412 биле со јачина од 4 до 5, 20 помеѓу 5 и 6, додека пет земјотреси биле со јачина од 6 до 6,9 степени.

„Овие податоци покажуваат дека во Турција во просек секој ден се случува по еден земјотрес со јачина од 4 степени, на околу 15 дена земјотрес со јачина од 5 и повеќе, а на секои 73 дена потрес со јачина од 6 и повеќе степени. Тоа значи дека земјата во просек е погодена со околу шест земјотреси на час, односно 146 дневно“, изјави Озмен за агенцијата Анадолија.