Пронајден е вториот најголем дијамант на светот. 

Канадската компанија „Лукара“ (Lucara Diamond Corp.) објави денеска дека ископала дијамант од 2.492 карати, најголемиот дијамант некогаш откриен во Боцвана и втор по големина во светот.

Дијамантот е ископан во рудникот Карове во северно-централна Боцвана.

„Ова откритие не само што го покажува исклучителниот потенцијал на нашиот рудник Карова, туку ја поддржува и нашата стратешка инвестиција во најсовремената технологија KSRT“, изјави претседателот и главен извршен директор на „Лукара“ Вилијам Ламб.

Претходно, во овој рудник се откриени дијамант од 1.758 карати во 2019 година, но и дијамант од 1.109 карати во 2015 година.

фото принтскрин