Ќе разговараме за мир. Луѓе се убиваат и ние сакаме да го решиме тоа, рече претседателот на САД Доналд Трамп пред средбата со украинскиот претседател, Володимир Зеленски.

„Ќе разговараме. Не значи прекинување на поддршката. Луѓе се убиени и ние сакаме да го сопреме тоа. Многу луѓе се убиени минатата недела, од било која причина, од двете страни. Го знам претседателот, се знам самиот себеси и знам дека и Путин сака да прекине војната. Ова не е моја војна, ова е војна на Џо Бајден. Тој имаше многу врска со ова“, рече Трамп.

Според него, ако тој бил претседател во времето кога почнаа нападите, немало да има војна воопшто. 

„Тој (Бајден) беше ужасен, корумпиран претседател, без разлика дали се работи за границите или за ова (војната)“, рече Трамп.

Украинскиот претседател, Володимир Зеленски пак, посочи дека сака да заврши војната.

„Живееме под напади. Имаше многу убиени, војници, жени деца. Година и пол трае, мора да се сопре ова, но ни треба помош. Му благодариме на претседателот Трамп што се обидува да го спречи ова“, рече Зеленски.