Како што веќе објавивме, хеликоптер се урна денеска во близина на градинка и станбена зграда во градот Бровари, недалеку од главниот град на Украина Киев, а има жртви, изјави регионалниот гувернер.

„Во моментот на оваа трагедија, децата и вработените во институцијата беа во градинката. Сите сега се евакуирани“, напиша гувернерот на регионот Киев, Олексеј Кулеба, на апликацијата за пораки Телеграм.

Полицијата соопшти дека во хеликоптерската несреќа загинале најмалку 16 лица, меѓу кои и две деца. Меѓу загинатите се министерот за внатрешни работи Денис Монастирски, неговиот прв заменик Јевген Јенин и државниот секретар во Министерството Јуриј Лубковиќ, соопшти Антон Герашченко, советник на министерот за внатрешни работи.

„Моите колеги, моите пријатели. Каква трагична загуба. Најдлабоко сочувство до нивните семејства“, објави Герашченко.

Се уште не е јасно што ја предизвикало падот на хеликоптерот. Русија не коментираше, а украинските власти не спомнаа никаков руски напад во областа. „Добиваме информации за жртвите и околностите“, изјави Кирило Тимошенко, заменик-шеф на кабинетот на украинскиот претседател.

My friends, statesmen Denys Monastyrskyi, Yevhen Yenin, Yurii Lubkovych, everyone who was on board of that helicopter, were patriots who worked to make Ukraine stronger.

We will always remember you. Your families will be cared for.

Eternal memory to my friends. pic.twitter.com/SdHfujCUAI

— Anton Gerashchenko (@Gerashchenko_en) January 18, 2023