Њујорк го одобри  подигнувањето на минималната законска возраст за купување на цигари и тутун , пренесоа американските медиуми и Франс прес . Мерката се однесува и на електронските цигари . Одлуката минималната возраст за купување на цигари и тутун да се покачи од 18 на 21 години беше одобрен од општинскиот совет на градот со 35 гласа " за " и 10 "против". Њујорк веќе има премногу строги закони за пушење . Забрането е да се пуши во баровите , рестораните , парковите , на плоштадите и дури на плажите . Порезите за цигарите во градот се исто така високи. Властите на Њујорк се надеваат дека подигнувањето на минималната возраст за купување на цигари ќе доведе до 55 -процентно намалување на пушењето меѓу луѓето помеѓу 18 и 20 години .