Страшна трагедија се случи во Тајланд, каде најмалку 31 лице загина откако поранешен полицаец отвори оган во градинка.

Напаѓачот бил во бегство по страшниот напад во Нонг Буа Ламф, на североистокот на земјата, по што се самоубил и ги убил сопругата и детето, пренесува Ројтерс.

Од полицијата велат дека меѓу жртвите има и деца и возрасни. Според последните информации, меѓу загинатите има 22 деца, две наставнички и еден полицаец.

Полицискиот наредник Ахајон Краитонг вели дека напаѓачот, неодамна отпуштен полицаец, пукал со пиштол и ги избодел децата и возрасните во дневната градинка пред да побегне.

Тајландската полиција го идентификуваше напаѓачот како поранешниот полицаец Пања Камраб. За време на пукањето, тој наводно побегнал со бел пикап.

UPDATE #: Conflicting reports about the number of casualties in Nong Bua-Lamphu childcare center shooting, but it seems much more than the initial 3.

Police have named a suspect, a 34-year fmr police officer. He’s still on the run. https://t.co/PsDgIjZluP pic.twitter.com/kUxx4ic53S

— Saksith Saiyasombut (@SaksithCNA) October 6, 2022

На социјалните мрежи се појавуваат првите видеа од местото на трагедијата. Очајни семејства на убиени деца се собираат пред градинката во која се случи незамисливото злосторство.

Напаѓачот бил отпуштен од полициските сили минатата година, објави тајландскиот PBS. Шефот на полицијата Јакапата Виџитраитају изјави дека Камраб бил отпуштен поради употреба на дрога.

Болницата во градот Нонг Буа Ламфу ги повика сите итно да даруваат крв, имајќи предвид дека има многу повредени на кои итно им е извршена операција.

Масовните престрелки во Тајланд, инаку, се многу ретки. Во 2020 година, војник уби 21 лице и рани уште десетина во градот Након Рачасима.

Фото: Твитер