Американските медиуми го откриле извештајот од обдукцијата врз телото на Хју Хефнер кој почина на 91 годишна возраст. Тие откриваат дека главната причина за смртта на основачот на Плејбој магазинот е престанок на работата на срцето поврзан со труење и инфекција од ешерихија коли. Хефнер во моментот на смртта бил опколен од своите четири деца, како и од младата сопруга Кристал. Поранешниот глем модел се обрати и на јавноста со благодарност за сите примени пораки на сочуство и покажана љубов, но посочи дека се уште е во шок. Таа не е вклучена во тестаментот на порнографот, но и онака неговото богатство во последната деценија значително се намали и изнесуваше само 40 милиони долари. Хју Хефнер дури беше принуден и да ја продаде злоогласената Плејбој вила во Холивуд во која се одржуваа декадентни забави и беше преполна со „манекенки“, за потоа да живее во дел од вилата како потстанар.