Ќерката на коосновачот на Inditex SA, Амансио Ортега, стана најбогата жена во Шпанија , откако го наследи делот на мајка си во компанијата , пишува Bloomberg . Сандра Ортега Мера добила над 90% од состојбата на Роса Мера , вклучувајќи го и целиот нејзин удел во холдинг компанија Rosp Corunna Participaciones Empresariales SL , откако Мера почина во август . Ова го покажуваат податоците на извор близок до семејството , кој сакал да остане анонимен. Тие двете заедно ја контролираа компанијата пред смртта на Мера . Rosp Corunna контролира 5.1 % од Inditex . Состојбата на 45-годишната Ортега Мера се проценува на 7.3 милијарди долари , според индексот на милијардери на Bloomberg , како што е 182 -иот најбогат човек во светот . Таа е втор најголем акционер во компанијата. Наследство добиено од Ортега Мера , ја прави најмладата жена од Европа во рангирањето на Bloomberg . Нејзиниот татко е третиот најбогат човек во светот . Тој поседува 59% од Inditex , а неговата состојба се проценува на 65.9 милијарди долари . Inditex , меѓу чии брендови се Zara , Pull & Bear и Bershka , има над 6 000 продавници во целиот свет . Профитот на компанијата расте со најмалку 10 % во секоја од последните три години , што двојно ја зголеми цената на акциите и вредноста на уделот на Rosp Corunna до 5,2 милијарди долари .