Украинскиот претседател Владимир Зеленски и порача на Русија дека нејзините неодамнешни освојувања на истокот од земјата се само привремени и дека нејзините војници ќе бидат вратени преку границата.

Тоа го коментираше во својата најнова видео порака.

„На југот и на истокот од нашата земја, окупаторите сè уште прават се за да имаат причина барем да зборуваат за некакви победи. Тие акумулираат сили, принудуваат нови баталјонски тактички групи на нашата земја. Се обидуваат да иницираат таканаречена мобилизација во окупираните региони на Украина“, рече тој.

„Ниту еден од овие чекори нема да и помогне на Русија во војната против нашата држава. Можат само да го одложат неизбежното - времето кога окупаторите ќе треба да ја напуштат нашата територија. „Посебно Мариупол - град кој продолжува да и се спротивставува на Русија и покрај сето она што го освоија окупаторите“, посочи Зеленски.

„Русија планира да го „фалсификува“ референдумот за независност во Херсон“

Владимир Зеленски ја обвини Русија дека планира да го „фалсификува“ референдумот за независност во делумно окупираните региони Херсон и Запорожје.

Украинскиот претседател ги повика жителите на областа под руска окупација да не им даваат на руските сили никакви лични податоци, како што се броевите на пасошите. Тој го упати апелот во видео порака емитувана доцна синоќа.

„Ги повикувам жителите на јужните региони на Украина - регионите Херсон и Запорожје - да бидат многу внимателни за информациите што им ги давате на напаѓачите...“, рече тој.