Повеќе од осум убиени луѓе и повеќе повредени има во нападот кој се случи попладнево во трговскиот центар во северно предградие на Минхен.

Тројцата напаѓачи вооружени со пушки се во бегство. Еден од напаѓачите, снимен со аматерска камера пред да почне да пука во луѓето, на глас вели дека е Германец роден во Германија. Полицијата засега не може да ги потврди информациите дека еден од напаѓачите се самоубил. Нападот се третира како „можен тероризам“. Од граѓаните се бара да останат во своите домови.

Во Минхен е прогласена вонредна состојба.  Владата заседава на вонредна седница, а министерот за внатрешни работи го прекина годишниот одмор и се врати во Германија.