Осум жртви земала тешката железничка несреќа во Германија. „Осум лица загинаа во судирот на возовите“, изјави портпаролот на властите Јирген Талмеиер, цитиран од AFP. Тој додаде дека 100 лица се повредени, 55 од кои сериозно. Претходните информации на германската полиција вклучуваа и 15 лица во критична состојба. Трагичниот инцидент се случи утринава по директен судир меѓу два воза на пат меѓу градовите Розенхеим и Холцкирхен во провинцијата Баварија, околу 7 ч. по локално време. Судирот настапил во реонот на градот Бад-Аиблинг, кој се наоѓа на 60 километри југоисточно од Минхен. Трасата е затворена, како и двете локални патишта до неа. Неколку стотици луѓе се вклучија во спасувачките операции. Причината за инцидентот се уште се разјаснува.