Американскиот претседател Доналд Трамп објасни зошто сака да ја припои Канада кон САД.

Трамп во интервју емитувано во неделата пред Суперболот изјави дека сериозно сака Канада да стане 51-та држава на САД, пишува Тајм. Тој тврди дека е сериозен. 

„Мислам дека за Канада би била многу подобро да биде 51-та земја, бидејќи со Канада губиме 200 милијарди долари годишно. И нема да дозволам тоа да се случи. Зошто плаќаме 200 милијарди долари годишно, во основа субвенција за Канада?”, рекол Трамп. 

Трамп се осврна и на трошоците за одбрана на Канада, велејќи дека „тие не го плаќаат својот воен дел“. 

„Канада плаќа многу малку за војската. Воопшто не се заштитени, а причината е што мислат дека ќе ги заштитиме“, вели Трамп. 

Канада е една од ретките членки на НАТО која сè уште не ја постигнала целта да потроши два отсто од БДП за одбрана.