Клучен сведок во случајот за убиството на поранешниот руски агент Александар Литвиненко одби да сведочи, соопшти „BBC“.

Станува збор за Дмитриј Ковтун - еден од двајцата мажи осомничени од британските власти дека го отруле Литвиненко со радиоактивен полониум во лондонски хотел во 2006 година.

Ковтун изјавил дека нема да сведочи, иако пред време се согласил на тоа. Познатата причина за одбивањето е дека не добил дозвола од руските власти.

Ковтун, кој негира учество во злосторството, мораше да се вклучи во текот на постапката преку видеоконференција од Москва.

Токму за време на состанокот со Ковтун и со другиот осомничен - Андреј Луговој, Литвиненко пиел чаша чај која содржела фатална доза радиоактивен полониум-210.

43-годишниот Литвиненко е агент на Федералната служба за безбедност на Русија - наследник на „КГБ“, но избегал во Велика Британија, каде што доби државјанство и стана еден од најжестоките критичари на Кремљ.

На сликата: Александар Литвиненко